ӨВӨЛЖИЛТИЙН БЭЛТГЭЛ АЖИЛ
Сумын нутаг дэвсгэрт бод-37904, бог-292083 нийт 329987 толгой мал өвөлжинө.
Одоогоор манай сумын нутагт өөрийн аймгийн 3 сумын нийт 41 өрхийн 32612 толгой мал оторлож байна.
Сумын нөөцөд нийт 40 тн өвс, 30 тн тэжээл бэлтгэх нормтой. Энэхүү нөөцийг бүрдүүлэх зорилгоор малын тоо толгойн татварын орлогоос 27 сая төгрөгийг төсөвлөсөн. 2000 боодол буюу 40,0 тн өвс, 8 тн гар тэжээлийг 12 дугаар сард татан авч нөөцийг бүрдүүлнэ.
Малчдад хүргэх зөвлөмж
Монгол Улсын Засгийн газрын 2022 оны 277 дугаар тогтоолоор батлагдсан малчин өрхийн аюулгүйн нөөц бүрдүүлэх журмаар малчид дараах аргачлалын дагуу өвс тэжээлийн нөөцийг бүрдүүлнэ. Үүнд:
Нийт малаа дараах итгэлцүүрээр хонин толгойд шилжүүлнэ.
Тэмээ-5 хонь
Адуу-7 хонь
Үхэр- 6 хонь
Хонь-1 хонь
Ямаа-0,9 хонь
Жишээ нь: Тэмээ-5, адуу-40, үхэр-35, хонь-500, ямаа-350 нийт 930 толгой мал нь хонин толгойд шилжүүлэхэд 1047 толгой мал болно.
Дээрх тооны малын нэг өдрийн өвсний норм нь 1047*3 кг /өвс/=3141 кг өвс, гар тэжээлийн норм нь 1047*0,5кг=524 кг тэжээл
3141 кг өвс нь 125,6 боодол, 524кг тэжээл нь 20,9 шуудай болох ба энэ нь зөвхөн нийт малын нэг өдрийн хүнсний хэрэгцээ юм.
Цаг хүндэрсэн үед малчид дээрх аргачлалын дагуу 3 хоногийн аюулгүйн нөөцийг өөрсдөө бэлтгэх үүрэгтэй. 3 хоногоос дээш 7 хоног хүртэлх хугацаанд сумын аюулгүйн нөөцөөр хангах, 7 хоногоос дээш бол улсын аюулгүйн нөөцөөс тусламж үзүүлнэ.
12-р сар 16, 2022 - 16:18
