ОЛОН НИЙТИЙГ ХАМАРСАН АРГА ХЭМЖЭЭ

Тус суманд 2022 оны 11 дүгээр сарын 15-ны өдөр аймгийн Засаг дарга ирж иргэдтэй уулзалт зохион байгуулан иргэдийн саналыг хүлээн авч мөн 6 төрлийн байгууллагын үйлчилгээг 85 иргэнд үзүүлсэн байна. “Нийтийн биеийн тамир-2022“ хаврын спартикиад 2022.05.27-29-ны хооронд нийт 10 төрлөөр албан байгууллага, багууд, ААН-ийн дунд зохион байгуулагдаж нийт 8 баг оролцож төрөл бүр дээр 1, 2, 3-р байр эзлүүлж медаль, өргөмжлөлөөр шагнасан. Багийн нийт дүнгээр тэргүүн байранд Бумбат баг “Шилжин явах цом”, өргөмжлөл 700,000 төгрөг, дэд байранд Цагаанхад баг өргөмжлөл 500,000 төгрөг, гутгаар байранд Аманшанд баг өргөмжлөл 400,000 мянган төгрөгөөр тус тус шагнаж урамшуулсан. “Соёлын бүтээлч сар”-ын хүрээнд “Монгол бахархал” сэдэвт “Бэсрэг наадам”-ыг Бөхийн барилдаан, Шагайн харваа, Чөдөр зангидах 3 төрлөөр албан байгууллага, баг, аж ахуйн нэгж, иргэдийн дунд 11 дүгээр сарын 04-нд амжилттай зохион байгуулж нийт 8 баг 120 гаруй хүн оролцож 3 төрлөөр шилдэгүүдийг шалгаруулсан. Сумын Засаг даргын үйл ажиллагааны хөтөлбөр /2021-2024/-ийг хэрэгжүүлэх ажлын хүрээнд “Авьяаслаг Дэлгэрчүүд” урлагийн наадмыг 2022 оны 11 дүгээр сарын 12-нд зохион байгуулсан. Уралдааны төрөл: 1. Ардын дуу /Ахмад 50 наснаас дээш/ 2. Зохиолын дуу /эр/ 3. Зохиолын дуу /эм/ 4. Язгуур урлаг 5. Хамтлаг дуу 6. Хөгжим /Гоцлол/ 7. Уран уншлага 8. Чөлөөт номер гэсэн нийт 8 төрлөөр зохион байгуулж уралдаанд нийт 8 багийн 253 авьяастан оролцсон. Урлагийн наадамд багийн нийт дүнгээр эхний 3 байрыг шалгаруулж өргөмжлөл, мөнгөн шагналаар, мөн номинаци тус бүр дээр эхний 3 байрыг шалгаруулж Өргөмжлөл, мөнгөн шагналаар тус тус шагнаж урамшуулсан. Багийн нийлбэр дүнгээр: Тэргүүн байранд: Аманшанд баг, Шуудан холбоо, “Их богц” ХХК хамтарсан баг Дэд байранд: ЗДТГ, ИТХ, Цагдаагийн хэлтэс, ЦТС хамтарсан баг Гутгаар байранд: Хонгор баг, “Зэ-Зо” ХХК, “Аваргын булаг” ХХК “Илүү зузаан” ХХК, “Хэтийн буян” ХХК, “Дунд залаа” ХХК, ШТС-ын хамтарсан багууд шалгарлаа.