ТЭЭВРИЙН ХЭРЭГСЭЛ, ТЕХНИКИЙН ХЯНАЛТЫН ҮЗЛЭГ ОНОШИЛГОО ЭХЭЛЛЭЭ.
Жил бүр зохион байгуулагддаг тээврийн хэрэгсэл, техникийн хяналтын үзлэг, оношилгоо хуваарийн дагуу 2023.04.21-22-ны өдрүүдэд тээврийн хэрэгсэл эзэмшигч иргэдэд үйлчлэхэд бэлэн боллоо.
Тээврийн хэрэгсэл эзэмшигч иргэд та бүхэн үзлэг оношилгоондоо идэвхтэй хамрагдана уу. Тус өдрүүдэд 1-4 жилийн хугацаанд тээврийн хэрэгслийн хяналтын үзлэгт ороогүй тээврийн хэрэгслүүдийг бүртгэх, шалтгааныг олж тогтоох, зөрчлийг арилгуулах зорилтын хүрээнд зохион байгуулагдсан "Авто тээврийн шинэчилсэн бүртгэл"-ийн ажлын хүрээнд нэр шилжүүлэх, хасалт хийлгүүлэх зэрэг ажлыг хурдан шуурхай зохион байгуулж үйлчлэх тул өөрийн нэр дээр буй ашиглахгүй байгаа тээврийн хэрэгслүүдийн өр төлбөрийг цаашид нэмэгдээд явахаас сэргийлж зөрчлөө арилгуулахыг та бүхэнд зөвлөж байна.
Мөн үзлэг оношилгооны үеэр аймгийн онцгой комиссоос ирүүлсэн улаан буудайн тэжээлийг сумын нийт өрхөд тус бүр 1 шуудайг хөнгөлөлттэй үнээр борлуулна.
4-р сарын 21, 2023 - 10:26
