АЙМГИЙН ЗАСАГ ДАРГА О.БАТЖАРГАЛ ДЭЛГЭРЭХ СУМАНД АЖИЛЛАЛАА.
Аймгийн Засаг дарга О.Батжаргалаар ахлуулсан харьяа газар, хэлтэс, агентлагуудын дарга нар болон холбогдох мэргэжилтнүүдээс бүрдсэн ажлын хэсэг 2022.11.15-ны өдөр "Иргэн төвтэй төрийн үйлчилгээ" нэгдсэн өдөрлөг зохион байгуулж иргэд хөдөлмөрчдөд үйлчилгээ үзүүлж ажиллаа. Мөн аймгийн Засаг дарга О.Батжаргал МУ-ын Засгийн газраас хэрэгжүүлж байгаа "Шинэ сэргэлтийн бодлого"-ын талаар, уг бодлоготой Дорноговь аймгийн хөгжлийн бодлого төлөвлөлт, хөрөнгө оруулалт, бүтээн байгуулалтууд хэрхэн уялдаж буй талаар, аймаг орон нутагт авч хэрэгжүүлж буй "Хөгжлийн төлөө хамтдаа-2" үйл ажиллагааныхаа хөтөлбөрийн хэрэгжилтийн талаар сонирхолтой илтгэл тавьж, иргэдийн санал сэтгэгдэл, өргөдөл гомдлыг хүлээн авч газар дээр нь хариулт өгч шийдвэрлэлээ.
Уулзалтын явцад сумын Засаг дарга Г.Банзрагч тус суманд нийтлэг тулгамдаж байгаа асуудлуудын талаар танилцууллаа.
Тус уулзалтаар аймгийн Засаг даргын зүгээс суманд дараах асуудлуудыг шийдвэрлэхээр боллоо. Үүнд:
1. Эрүүл мэндийн төвийн барилгыг өргөтгөх
2. ЕБС-ийн биеийн тамирын гадна талбайг иж бүрэн тохижуулах, сэргээн засварлах
3. Үүрэн телефоны сүлжээг өргөтгөх ажлын хүрээнд шаардлагатай нэг цэгт сүлжээ сайжруулах антен тавих
12-р сар 16, 2022 - 14:05
