УЛСЫН ИХ ХУРЛЫН ГИШҮҮН Б.ДЭЛГЭРСАЙХАН, УЛСЫН ИХ ХУРЛЫН ГИШҮҮН Т.ЭНХТҮВШИН, АЙМГИЙН ЗАСАГ ДАРГА О.БАТЖАРГАЛ НАР СУМАНД АЖИЛЛАЛАА.
2022 оны 05 дугаар сарын 15-ны өдөр УИХ-ын гишүүн Б.Дэлгэрсайхан, УИХ-ын гишүүн Т.Энхтүвшин болон аймгийн Засаг дарга О.Батжаргал нар тус суманд ажиллаж УИХ-ын гишүүдээс намрын чуулганаар батлагдсан хууль, тогтоомж, бодлого шийдвэрийг танилцуулж, аймгийн Засаг даргаас аймгийн Засаг даргын "Хөгжлийн төлөө хамтдаа-2" үйл ажиллагааны хөтөлбөрийн хэрэгжилтийн талаар мэдээлэл хийж, сумын иргэд, хөдөлмөрчид, малчидтай уулзан сум орон нутгийг цаашид хэрхэн хөгжүүлэх талаар санал солилцлоо.
Мөн эрхэлсэн салбартаа үр бүтээлтэй ажилласан Монгол улсын Ерөнхийлөгчийн зарлигаар "Алтан гадас одонгоор Дэлгэрэх сумын иргэн Г.Даш, Ш.Чимэд, П.Норжинцогзол, Р.Пүрэвдаш, Б.Цэвэгжав, Л.Нямаа, А.Пүнжим, Д.Жавзан, эрхэлсэн салбартаа үр бүтээлтэй ажилласан иргэдэд салбарын шагнал, аймгийн Засаг даргын хүндэт өргөмжлөл, мал сүргээ таван төл дээр нь өсгөн үржүүлсэн аймгийн хошой аварга малчин өрх М.Ууганбаяр, Л.Долгоржав, аймгийн аварга малчин өрх М.Ганбаяр, А.Буянхишиг, П.Одхүү, Л.Наранзул нарын шагналыг тус тус гардуулан өглөө.
Мөн үеэр аймгийн Засаг даргын Тамгын газраас сумын Засаг даргын тамгын газарт албан хэрэгцээнд шаардлагатай иж бүрэн суурин компьютер, нөүтбүүк, принтер, 108 ширхэг улиас модны суулгацыг гардуулав.
Мөн Бумбат багийн малчин Ш.Бадамхатангийн гэр бүлд өргөө цагаан гэрийг гардуулж өгсөн.
12-р сар 16, 2022 - 14:08
