"НҮҮДЭЛЧИН МОНГОЛ-2022" СОЁЛЫН БИЕТ БУС ӨВИЙН ИХ НААДАМ ЗОХИОН БАЙГУУЛАГДЛАА.
Монгол улсын соёлын яам, Нийслэлийн соёл урлагийн газар, Соёлын өвийн үндэсний төвөөс зохион байгуулсан "Нүүдэлчин Монгол-2022" дэлхийн соёлын фестиваль 2022 оны 08 дугаар сарын 12-14-ний өдрүүдэд Улаанбаатар хотод зохион байгуулагдсан.
Энэхүү наадамд Дорноговь аймгаас нийт 61 өвлөн уламжлагч оролцсоноос 8 нь Дэлгэрэх сумын өвлөн уламжлагчид байсан ба ерөнхий найруулагчаар Дэлгэрэх сумын Соёл, спортын төвийн хөгжмийн багш, МУСТА Х.Болдбаатар ажилласан.
Тус наадамд Дорноговь аймаг ГУТГААР байр эзэлж бахдам амжилтыг үзүүлсэн ба Дэлгэрэх сумаас оролцогч С.Сэрээтэр "Малын уриа дуудлага" төрөлд хонь тойглох өвөөр шилдэгээр шалгарч Батламж, 1.000.000 төгрөгөөр шагнуулсан.
12-р сар 16, 2022 - 15:33
Updated: 12-р сар 16, 2022 - 15:36
