УИХ-ЫН ГИШҮҮД СУМАНД ИРЖ АЖИЛЛАЛАА.
УИХ-ын гишүүн Б.Дэлгэрсайхан, УИХ-ын гишүүн Т.Энхтүвшин, Аймгийн ИТХ-ын дарга Б.Ганзориг, Аймгийн Засаг дарга О.Батжаргал нар 2023 оны 02 дугаар сарын 11-нд суманд ирж иргэдтэй уулзалт зохион байгуулан, мэдээлэл өгч, иргэдийн санал, асуултанд хариулт өгч, мөн цаг үеийн хүнд нөхцөл байдлаас болж малчдад хандив тусламж хүргэх зорилгоор нэг малчинд 4 боодол өвс, 2 уут тэжээл, 50,000 төгрөгний бинзений толаныг тараалаа.
- Мөн Бумбат багийн иргэн Цэрэнгийн Андрейн гэр бүл гэнэтийн ослын улмаас гэрээ алдаж орох оронгүй болсон айлд 5 ханатай өргөө цагаан гэрийн тусламж үзүүллээ.
- Мөн энэ үеэр мал сүргээ тогтвортой өсгөн үржүүлж, ашиг шимийг нь нэмэгдүүлэн, ажил Хөдөлмөрөөрөө бусдыгаа манлайлан “Аймгийн аварга малчин”-ы болзол хангасан малчдаа шагнаж урамшууллаа.
АЙМГИЙН ХОШОЙ АВАРГА МАЛЧИН:
• Дэлгэрэх сумын “Цагаанхад” багийн малчин Чимэдцэеэгийн Баярсайхан
• Дэлгэрэх сумын “Аманшанд” багийн малчин Аюушийн Соронзонболд
АЙМГИЙН АВАРГА МАЛЧИН:
• Дэлгэрэх сумын “Цагаанхад” багийн малчин Лувсангончигийн Жанцанхорол
• Дэлгэрэх сумын “Аманшанд” багийн малчин Ухнагийн Батжаргал
• Дэлгэрэх сумын “Бумбат” багийн малчин Шагдарын Гантулга
2-р сарын 13, 2023 - 15:46