СУМЫН БРЭНД БҮТЭЭГДЭХҮҮН ШАЛГАРУУЛАХ ҮЗЭСГЭЛЭН ХУДАЛДАА ЗОХИОН БАЙГУУЛАГДЛАА.
Сумын Засаг даргын үйл ажиллагааны мөрийн хөтөлбөрийн зорилтыг хангах, орон нутгийн үйлдвэрлэл үйлчилгээ эрхлэгчдийн бүтээгдэхүүнийг сурталчилах, ашиг орлогыг нэмэгдүүлэх цаашлаад сумын брэнд бүтээгдэхүүнийг хөгжүүлэх зорилгын хүрээнд үзэсгэлэн худалдаа амжилттай зохион байгуулагдлаа.
Үзэсгэлэн худалдаанд нийт 15 иргэн сүү, цагаан идээ, суран эдлэл, хоол үйлдвэрлэл, гурилан бүтээгдэхүүн, ноос боловсруулалт, оёдол болон бусад төрлүүдээр оролцлоо. Нийт оролцогчдын тал хувь нь зөвхөн сүү, цагаан идээгээ боловсруулж оролцсоноороо онцлог байв.
Үзэсгэлэн худалдааны шилдэг оролцогчоор сүү цагаан идээний төрлөөр оролцсон Бумбат багийн иргэн Б.Энхтуяа тодорч "Сумын брэнд бүтээгдэхүүн-2022" батламж, 500.000 төгрөгөөр шагнагдлаа. Дэд байранд Цагаанхад багийн иргэн Б.Саран-Ундрах мөн сүү, цагаан идээ боловсруулалтаар, Гутгаар байранд Аманшанд багийн иргэн Ё.Цэндсүрэн сур, суран эдлэлийн төрлөөр тус тус шагналт байр эзэллээ.
12-р сар 16, 2022 - 16:12
